【Viu】MIRROR今日出席《12怪盜》互動體驗場，佢哋話之前已經睇過試片，今次同Fans睇別有一番風味，Lokman同AK仲話估唔到Fans嘅笑位咁多！
講到姜濤捲社交網站風波後，首次現身，佢再次同該名女網友道歉，透露公司同自己都想同該女士聯絡，希望互相加深了解，仲話因為今次事件再度戒玩social media，又話有收到Stanley嘅「大表歌」慰問，但堅拒坐Jer車去沙灘散心。
至於AK都講返陪老友Tank去日本求婚嘅感動事，又暗示喺廁所影嘅相係「真．光豬六壯士」，仲再三澄清同麻利嘅緋聞，唔希望再影響到朋友，夠雷呀！
此外，「幼稚園雞組」今日都好歡欣，Edan考車一Take Pass勁沾沾，又遭阿Jer送咗四個字畀佢；AL又「歌頌」阿Jer身形，同埋講返「光B」入圍「叱咤我最喜愛的男歌手」嘅感受。想Update MIRROR嘅近況，記得loop爆足本訪問喇！
