【Viu】Lokman楊樂文、Frankie陳瑞輝同Hanna陳漢娜今日出席品牌活動，見到三位同場自不然諗起劇集《IT狗》，三位主角今日即場報喜，話《IT狗》將會開拍續集，劇本都寫緊喇，預計明年初開拍！Lokman公開爭取去一個地方拍攝；Frankie就希望「Never」可以改變性格，係咪好想知呢？
講到MIRROR日前齊人開Live，Lokman同Frankie大讚Tiger「狀態好」，「放箭」準繩，仲開心Share心水「毒舌」三甲，笑Cry呀！至於全城「皮寶寶」最期待嘅畫面，Frankie終於話有計劃出solo，仲想向某成員邀歌添！想知邊位被「點燈」？邊位成員最毒舌？記得Loop爆足本訪問喇！
此外，Hanna直認拍攝《社內相親》壓力超大，仲因此收到惡意留言，陰功豬呀！
