【Viu】商台DJ Elsie呂珮琳同無制限OT編集団嘅「Agent L」Alfred曹梓沖，拍拖13年，舊年由情侶升呢做準新人，明年1月就正式拉埋天窗喇！兩位「愛情長跑好手」，大談對另一半嘅第一印象；仲親繪結婚後嘅「家庭藍圖」，講明要生一仔一女，睇嚟Alfred喺非洲拍攝《無制限探險隊》飲嘅「砰砰水」有啲料到呀！
講到呢個節目，Elsie就話因為一個環節嬲嬲豬喇，仲因此對Alfred冇晒性慾，omg！咁true得唔得㗎？不過「求生意識」超高嘅Alfred，大方分享一個氹返女朋友嘅必勝之術，仲好真誠咁話希望Elsie將來先走一步，等自己可以照顧到佢最後一秒，咁好嘅男人去邊度搵呀？唔知Elsie秒Cry呀！小編都眼濕濕！想了解更多Alfred同Elsie呢對「On8+1」情侶嘅相處之道，loop爆呢個有笑有淚嘅專訪啦！
