【Viu】3位輕熟女「阿Yu」趙頌茹、Aka趙慧珊同Kate楊淇參加ViuTV戀愛真人騷節目《35+ LOVE》，嚟咗場「16小時約會法則」！今日三位美女一齊出席記者會，首次參與真人騷嘅Aka、Kate大叫緊張，加埋要識新仔仔就更緊張！
阿Yu笑話佢哋同班特選男士初見面嘅畫面十足見工一樣，問佢哋對男士嘅「口味」有冇撞？佢哋大笑話各人心目中嘅理想型都唔同，不過就試過有男士同勻晒佢哋3個約會！三女又不諱言指喺節目期間有心動嘅感覺，亦大談男士們對佢哋做過最sweet嘅動力，而喺拍完節目後，佢哋話繼續都有同班男士聯絡，至於有冇機會發展？佢哋就大賣關子！
另外，講到阿Yu嘅前夫周永恆早前因襲警被判入獄兩個星期，之後會同霍哥打擂台，阿Yu表示：「其他人嘅嘢我就唔答。」又爆私下同霍哥講咗一句說話，想知係咩？咁就要睇訪問片啦！
