【Viu】Marf@COLLAR、Jace陳凱詠同Cloud雲浩影今晚出席品牌活動，早前自爆同陳健朗分手嘅Jace，直言會全情投入工作，繼續憑歌寄意，咁係咪和平分手呢？佢就話自己一向Love and Peace，亦唔排除同任何人合作，明晒！回復單身嘅Jace，又放風「睇中」一男子，仲學Ian「公開爭取」合作機會，同埋做演唱會嘉賓嘅可能性，到底係邊位得到Jace「點燈」呢？
至於因《那年盛夏我們綻放如花》同陳健朗結緣嘅Marf，透露早排同導演飲咖啡，對方心情冇異樣，仲話如果導演想講心事，自己都係一個好嘅聆聽者。
此外，曾經為《海賊王》動畫配音嘅Marf，喜見真人版「索隆」新田真劍佑，雖然對方包到冚冇騷肌，但自己都唔失望，仲笑認：「唔好呢味！」想知Marf同Jace嘅近況，記得睇足本訪問喇！
