【Viu】Kay謝安琪出席超市環保活動，同大家一齊欣賞囡囡Kakaball張靖嘅廣告，Kay表示細細個已經養成環保習慣，自己嘅水樽更用咗十幾年，而家會灌輸環保意識俾小朋友，令佢哋主動參與活動。講到Kakaball嘅環保廣告，Kay大讚囡囡有天份，唔單止即場學舞步同埋講VO，拍完一個shot仲會自己去睇Playback，表現非常專業！
講到早前一對仔女都有去睇Kay主演嘅《4拍4家族》首映，佢爆Kakaball雖然有啲位睇唔明，但當見到媽咪喊，囡囡都會心痛跟住喊埋一份，至於囝囝亦有讚媽咪某啲地方演得好似。Kakaball作為「最萌星二代」，Kay透露囡囡受到好多唔同類型嘅廣告邀請，而佢話會將話事權交俾阿女，篩選過啱小朋友之餘都要Kakaball鍾意。
至於被問到囡囡今次嘅酬勞，Kay笑言Kakaball冇金錢概念，只係擔心夠唔夠俾樂園入場費，而囡囡仲勁sweet話想大個送樣嘢俾媽媽，想知係咩？記得睇足本訪問呀！
