【Viu】森美、小儀、梁嘉琪今日出席網上格價平台活動，小儀同嘉琪一致推舉森美係格價專員，可惜幫唔到佢哋搵男友。小儀更爆森美借咗佢部相機冇還。而森美啱啱同老婆二人世界去完西班牙旅行，佢話兩公婆好sweet，老婆都頂唔順添！
森美因曾為加密貨幣兌換店「Coingaroo」擔任代言人，無辜被捲入JPEX詐騙案中，佢近日從西班牙旅行返嚟，被網民指「着草」，森美話睇到都覺得好笑。佢解釋旅行係一早安排好，亦知道大家關注呢件事，不過事件進入司法程序佢都唔方便回應。但強調警方冇聯絡佢，如有需要亦會盡市民責任協助調查。而Coingaroo」總經理、曾參加《全民造星》嘅「酒粒仔」趙敬賢近日亦被捕。想知更多？入嚟睇足本訪問片啦！
