【Viu】台灣綜藝大王吳宗憲嘅美容瘦身產品大賣，今日佢嚟咗香港一日，同香港代理阿Bob林盛斌做快閃慶功，佢兩個一齊受訪好funny，憲哥直認賺大錢，但身家唔會留晒畀仔女，話「兒孫自有兒孫福」，又話「若要子女好，且留三分飢與貧」，咁樣佢哋先會知咩叫人生喎。憲哥即話阿Bob應該冇餓過，又話可以幫佢一星期減10公斤，唔知Bob哥有冇信心呢？
Bob今日喺社交平台透露有不法之徒利用佢肖像搵人投資，Bob話唔怕惹上官非，但會火速澄清希望唔好有人上當。憲哥話佢哋嘅產品都好多人假冒，仲搞笑提出一個方法，令大家唔好咁易上當，想知兩位橋王講啲乜，記得睇埋足本訪問。
