【Viu】姜皓文、Candy王家晴、王雍泰等今晚出席電影《邪Mall》煞科。Candy今次同黑哥飾演父女，佢話學到好多嘢，可惜幾乎都係拍通宵戲為主，放Break都係休息叉電，冇乜機會深入交流。而第一次拍喪屍片嘅黑哥，話最難搞係特技化妝，每日要提前3個鐘報到。最深刻有場戲同Candy攬住喊。黑哥又大讚「阿女」演出成熟，Candy就話蝕底。
王雍泰話戲中講佢想同Candy有關係，咁現實呢？佢話要趁飲大兩杯試吓同Candy傾兩句。佢仲話開工前翻煲黑哥舊作品，最鍾意係《我和殭屍有個約會》。
足本訪問： Candy孖姜皓文攬住喊 演出獲讚 王雍泰想借醉同佢混熟
足本訪問： Candy孖姜皓文攬住喊 演出獲讚 王雍泰想借醉同佢混熟
