現場實況：Anson Lo完騷瞓3粒鐘即出動吸金白馬王子Look誘神徒瘋狂示愛

【Viu】是咁的，Anson Lo除咗外號叫「教主」外，其實仲有個朵叫「痴線Lo」，形容佢拼命工作嘅態度！噚晚先開完4場演唱會嘅教主，清晨5點都仲po緊宵夜Story，今朝8點幾就起身出門，12點就嚟到旺角吸金喇，仲唔係「鐵人Lo」？

化身「白馬王子Lo」嘅教主，沿途同神徒揮手打招呼，仲精靈任影，又同小編分享自己其實有瞓覺，同埋朝早8點起身咁話！期間神徒瘋狂向教主示愛，當教主喺佈景板簽名時，仲有人高呼：「你就係我刻在心底的名字！」嘩！瞓得3粒鐘嘅教主都忍唔住笑呀！呢位神徒真有料！

瀏覽 Viu網頁觀看影片

瀏覽 Viu網頁