【Viu】舞台劇《Laugh Vacation》未公開發售就宣布加場，現公演共16場，開個靚頭確係威嘅！一眾主演193@ERROR、Sofiee吳海昕、白只、楊偉倫、朱栢謙、Rosa韋羅莎、胡麗英日前先圍爐笑餐飽，公投邊個最黐線、邊個最忍得笑、邊個笑點最低、邊個最得導演寵愛，過程中笑料百出！
今次舞台劇嘅另一重點就落喺舞台劇新丁193同Sofiee身上，193呢位「處男」仲抵死以破處經嚟形容是次演出！佢同Sofiee又搞笑講到參演舞台劇嘅最大好處，咁都畀佢哋諗到，佩服佩服！溫馨提示：小心笑到有腹肌！
