【Viu】Jer柳應廷嘅4場處男個唱噚晚圓滿結束，除咗邀得The Hertz做嘉賓外，仲信守承諾兩度Encore冧觀眾，又承諾會唱到80歲，柳柳粉一定會繼續陪你破夢㗎！
Jer受訪時自評表演有80分，希望有機會開Part 2，最感激偶像林宥嘉一口答應做嘉賓，令自己成為「追星界天花板」！講到喺台上公開多謝家人，Jer坦言多得家人一直支持自己追夢，依家總算做出成績，希望成為家人嘅驕傲！
Jer坦言今次忍住眼淚開騷，唔想觀眾買飛入場淨係睇自己狂喊，又話入行5年最大嘅得著係唔再做喊包，仲因為做Gym而變大隻咗，下次等適合歌單先再騷肌咁話！
