【Viu】Sogun蘇欣婷同Jim許晉邦將於8月舉行棟篤笑《發LOVE瘋》，以「單身狗」同「同居男」嘅身份論盡兩性關係，其中一場仲融入Speed Dating，Dry爆嘅Sogun都驚衝落台參加呀！
自認「門常開」嘅Sogun，坦言3年冇拖拍係破紀錄，自稱係「外貌協會」嘅佢，品味經常遭朋友批評，仲自爆視Jer柳應廷為男神！Jim到時開騷會分享現實中同女友嘅小紛爭，仲預告女友捧場當日會玩「失蹤」，盡量減少磨擦！
二人直言過往幾年嘅舞台表演受疫情影響，要做兼職或轉型，Jim仲參加《直播王》謀生，雖然Followers同傾偈收入唔多，但贏得最終十萬蚊大獎都夠殺啦！
講到兩人都有拍ViuTV劇集，Sogun希望長做長有，但唔敢同Jer演情侶。Jim就大讚Frankie暖男又有天份，令自己都心動呀！
