【Viu】Rosa韋羅莎同Jay Fung喺《全民造星V》擔任藍組「Fung莎星辰」嘅導師，Rosa坦言應承前都有猶豫，擔心舞台劇經驗未必幫到參賽者，最後決定跳出comfort zone，見到一班仔仔嘅成長，仲令佢喊足「一公升眼淚」，加上有時對評判決定嬲到喊，最後索性連眼妝都skip埋！
講到部份網友不滿藍組Foul人嘅決定，Rosa親解剔走靚仔樂庭同Jackson之謎，仲自爆試過因為Foul人意見分歧，開會開足兩個鐘，所以每次Foul人都好似割咗自己一忽肉咁痛！
不過，Rosa同組員係教學相長，自己喺Lubia同樂樂身上獲益良多，感受到做自己嘅重要性。
