【Viu】Joey容祖兒喺澳門舉行嘅8場演唱會，4月1日正式開鑼，喺四千名觀眾熱烈歡呼下，著上銀色閃爆貼身裙登場嘅Joey隨即唱出《一種永遠》，之後佢再唱出大家耳熟能詳嘅作品《最後的茱麗葉》，去到傾偈環節，Joey都大讚現場fans比佢想像中熱情，令佢好感動！Joey仲以爛gag炒熱氣氛，問觀眾：「大家對座位滿唔滿意，睇唔睇到我啲毛孔？」當觀眾大嗌睇唔到，佢就話：「睇唔到係唔係啊？因為冇啊嘛！」笑場即刻爆笑！認真鬼馬啊！
之後Joey繼續以歌會fans，唱出《東京人壽》之餘、仲以性感造型為大家帶嚟連串熱舞，唱跳首本名曲《越唱越強》同《隆重登場》，全場氣氛超嗨啊！
