【Viu】郭富城、林家棟、Lokman楊樂文、陳湛文等今日出席《第四十七屆香港國際電影節》開幕典禮，Lokman見到「舞台王者」城城秒變小Fans，合照時笑到四萬咁口呀！
家棟同Lokman分享拍攝《命案》嘅趣事，家棟仲自爆無論身體定心靈都虐待Lokman，嘩！咁激烈得唔得㗎？Lokman仲話投入角色期間，經常會做呢樣嘢，連身邊人都睇唔過眼呀，想知係咩，睇足本訪問啦！
此外，城城早排去咗美加開巡唱，仲預告稍後會去新加坡同馬來西亞，但同太太商量過後，決定唔帶兩個女周圍飛，因為難得捱過疫情可以返學，只會喺7月暑假帶佢哋去澳門睇騷咋！
