【now.com】繼《你瞞我瞞》後，陳柏宇再於The First Take獻唱歌曲《有天》，上架僅18小時已獲39萬觀看次數，更登上YouTube香港發燒影片第一位。
Jason陳柏宇去年年底應邀到日本拍攝The First Take音樂企劃，於1月16日公開的全新編曲《你瞞我瞞》點擊率已衝破350萬人次。而是次則公開了更為輕鬆、有活力的全新版本《有天》，上架僅18小時已獲39萬觀看次數。
Jason「自爆」當天錄製《有天》唱至尾聲時，他投入得不慎撞到咪高峰前的網，更笑指：「其實我平時錄歌，投入到合埋眼唱時都有機會撞到個咪，純粹自己協調唔到，都經常性發生。」
▲ Jason陳柏宇在錄製《有天》時，不慎撞到咪高峰前的網。
同時他又分享了一個「背後小故事」，原來錄製當天身穿的外套背面印着「Hong Kong」，Jason說：「背脊寫咗『Hong Kong』二字，代表到我係嚟自香港，我哋香港嘅Art Director幫我揀呢套衫，係一個好好嘅選擇。」
▲ Jason陳柏宇身穿的外套背面印着「Hong Kong」。
Jason 亦有留意到網民對全新編曲的《你瞞我瞞》的回應，發現部份網民更喜歡高Key舊版。但Jason則表示自己很喜歡新版本，認為新版更能代表這個年紀的情感和心理狀態，說：「新版本嘅演繹方式，比舊版沉重、滄桑又有經歷得多，情感係豐富、複雜好多。降咗Key嗰種層次又同原Key有唔同，原Key就唔會有而家咁Man喇！」
對於即將舉行的演唱會，Jason 指已經準備得如火如荼，更為演唱會避開拜年及與小朋友的聚會，避免傷聲。
Photo／SonyMusic，Instagram：@ckw720
