【Viu】 娟姐練美娟喺ViuTV新劇《百萬同居計劃》入面，同型佬黃德斌做夫妻，對於呢位「老公」佢都相當滿意，仲話可能公司都覺得虧欠佢太多，係時候回報返自己，送佢一個精壯嘅男人，真係畀佢笑死啊！佢仲自爆劇中同德斌有唔少動作戲同劇烈嘅身體碰撞，而且大部分都係喺房發生，甚至連導演都話唔出得街添！而德斌就講笑話好彩自己鍛鍊過，所以條腰先至冇事，嘩，講到咁，真係好想知有幾激啊！
今次合作，除咗同娟姐培養出感情，德斌同班後生嘅都勁friend，娟姐仲話Jeffrey好冤氣，成日黐住佢哋兩公婆添！而講到同Anson Lo再合作，德斌就話同對方已經好有默契，一睇到劇本已經可以即刻埋位演，而Jer雖然比較文靜，但都非常努力！
