【Viu】MIRROR今日12-1出席《ViuTV 2023》節目發佈會，雖然姜濤因傷缺席，但都有出story話掛住班兄弟！Anson Kong連拍兩劇包括《打天下2》同《冰上火花》，後者仲係Ianson首度合作拍劇，連「邱視帝」都話要「蟬位」畀江視帝咁話，笑Cry呀！期間Frankie講起《野人老師》嘅螢幕初吻，隊友們即刻起鬨，仲話要向佢偷師添呀！
此外，Edan聯同4膠一齊受訪，佢哋笑言接受Hillary男友洪卓立加入《膠戰S3》，Edan仲幫即將29+1嘅阿正招親，但係阿正就明言唔接受Edan，反而對Jeremy情有獨鍾！
