【Viu】「皇上」張敬軒今日以一身sharp桃紅色look同Phoebus、Asha出席商場聖誕揭幕活動，講到連續兩年都喺舞台上同fans過節，軒仔話如果有機會就年年一齊慶祝，係嘅話就真係勁冧呀！
《叱咤》啱啱公布「我最喜愛的男歌手」最後10強，軒仔今年又係以一敵六塊「鏡」，仲有埋「細佬」洪嘉豪、老友林家謙添！軒仔笑話好開心可以同MIRROR成員並列，藉此拉低年齡層，返回2字頭咁話！然後又替另一老友Tyson Yoshi疑被商台針對一事解畫，指Tyson post貨車頭相純粹搞笑，力撐佢對頒獎禮、行業係好尊重，可能只係溝通上嘅問題，叫大家唔好太認真。
Asha指聖誕節必定會食火雞慶祝，而Phoebus就話會玩交換禮物，試過抽中磚頭！提到聽日P1X3L會喺戶外騷首次獻唱新歌，佢顯得超興奮，笑話估計最緊張嗰個應該係Marco，仲踢爆對方一出騷就絕食，要出招逼佢食嘢：「佢係唔聽人講嘢嘅臭屁孩！」
