【Viu】「院長」Kaho洪嘉豪完成首場西九戶外騷即入後台接受訪問，講到今次出動由張敬軒送贈嘅紅色咪上台，Kaho直言處男騷必須有呢枝咪傍住，問到有冇諗住請軒公做嘉賓？佢就答得有啲含糊啦，只係講話：「聽日答你。」難道有弦外之音？ 而有「華納張家輝」之稱嘅Kaho更獲偶像拍片支持，大叫：「呢個好勁！」繼而自爆為演唱會狂練十八般武藝，練舞、練琴兼練結他，大壓力到有日無啦啦爆喊！提到佢向其中一邊嘅「院友」輕輕拉高件衫微露腹肌，搞到另外嗰半場無福消受，Kaho又點拆彈安慰「院友」呢？有冇應承尾場再show多啲先？啲「院友」話上紅館要除褲喎～想知Kaho點答就快啲睇足本訪問片啦！
