【Viu】MIRROR成員姜濤、Jer噚晚為處男電影《阿媽有咗第二個》首次現身宣傳，但點知撞正正日生日嘅「阿媽」毛舜筠就身在日本，錄製VCR話要將謝票重任交畀兩個仔。二子直言隔咗咁耐再同近千名fans見面心情緊張，感謝觀眾默默支持嘅同時，都對咁耐先出嚟見大家感到抱歉，有機會都想再出席謝票活動。
講到Jer最近除咗練歌就不停操肌，問到係咪準備派福利？佢以好保守為由拒絕，至於姜濤就搞笑話可以騷手指：「手指比較強壯！」現時票房衝破4000萬，導演彭秀慧話唯一希望吸引到新嘅觀眾入場支持，數字方面就隨緣。
