【Viu】 今日係MIRROR成軍4周年既日子，MIRROR官方IG貼出咗12位成員嘅合照，多謝MIRO嘅一直陪伴！喺未來MIRROR會繼續以作品說話，俾大家見到更多元化，唔同面貌嘅 MIRROR！隨後Alton同阿Jer都有repost，同大家講四周年快樂！而一班鏡粉今日都齊集九展2樓大派各式各樣應援物，人頭湧湧真係勁熱鬧啊！其中檔主 Denise、Michelle、Sasa為Fans準備嘅應援物非常有心思，而且最難得係所有產品收益，唔扣除成本都全數撥作慈善用途，真係好有心啊！
雖然現場所見都係女fans居多，不過都有三位非常顯眼嘅男士，原來佢哋今日係嚟做義工，幫朋友推廣手繪MIRROR公仔。而且佢哋仲自稱「前夫」、「前爸」，一陣派完嘢仲要幫老婆仔女掃應援，咁好嘅老公老豆你話去邊度搵啊！
