【Viu】 MIRROR成員豬仔Jeremy噚晚趁住萬聖節前夕，喺YouTube個人頻道，公開佢早前拍第二首solo歌《九》MV嘅幕後花絮Vlog！雖然Jeremy呢晚半夜開工，不過見佢都幾好精神仲有力扮鬼嚇人，帶大家一齊去MV取景嘅廢棄酒廠靈探添，真係有俾佢嚇一跳㗎！
而除咗《九》嘅MV之外一相信各位Unicorns呢排Loop得最多嘅一定係Jeremy幾日前先出嘅派台歌《阿波羅》啦！Jeremy都有喺IG發千字文，分享創作呢首新歌嘅心路歷程，佢一共錄咗6次先完成整個錄音！而喺佢灰心嘅時候，多得王雙駿carl叔叔不斷鼓勵！Jeremy亦好多謝作詞嘅周耀輝老師，聆聽佢嘅感受幫佢修改歌詞。當然唔少得今次首度合作一齊作曲嘅吳林峰，將Jeremy腦海中嘅構思轉化成音符。最後豬仔仲同大家say sorry，話因為自己任性，想拍一個更符合呢首歌嘅MV，所以延遲推出日期。真係傻豬仔啊！Unicornsss又點會嬲豬喎，大家都好期待MV嘅製成品出街㗎！
