【Viu】 袁劍偉導演、張繼聰、ERROR嘅193同肥仔噚晚(29號)作客谷德昭主持嘅節目《爆谷一周》，同大家分享《季前賽》嘅拍攝趣事，但講講下似乎變成咗爆料大會，冇一齊上節目嘅姜濤仲成為大家嘅爆料對象，肥仔話有次同佢1on1嗰陣，係咁畀姜濤話佢渣，結果肥仔嬲嬲地全力防守，務求「我唔攞分，我都唔畀你攞分」，結果嗰場波姜濤真係一球都入唔到！相反阿聰同姜濤鬥波最鍾意出「嘴炮」，用說話打擊佢自信。而喺袁導公開鏡仔錯仔球技排行榜嗰陣，佢哋就鬼馬咁將姜濤排去最尾，要特登搞到姜濤嬲嬲豬咁話喎！袁導形容姜濤係「球場黑洞」，而33就補刀話懷疑姜濤冇傳波製，真係笑死啊！搞到袁導最後都忍唔住話：「姜濤，唔嚟就係咁！」，咁搞笑得唔得㗎？ 另外33同肥仔喺節目度仲預告ERROR 12月演唱會嘅內容，分別會有唱歌同棟篤笑環節，而肥仔就想邀請郭富城做嘉賓，希望同對方同台合作，認同自己嘅實力！
