【Viu】 古天樂噚日同爸爸媽媽慶祝完52歲生日之後，今日又馬不停蹄為自己監製同主演的電影《明日戰記》謝票，一眾藝人吳肇軒、朱鑑然、胡子彤、余香凝、廖子妤、林千渟、ANSONBEAN、Hillary劉沛蘅、林愷鈴同肥腸等等，齊齊為古仔同嚟緊26號生日嘅黑仔姜皓文送上驚喜，搞到現場好似迷你生日party咁happy。 古仔感謝咁多位同事嘅努力，佢透露天下一嚟緊十周年，希望下個十年再創高峰。古仔講到之前因為《明日戰記》收到好多小朋友嘅信，記者笑指佢係「香港版聖誕老人」，古仔就話會繼續做多啲學校慈善場。而黑仔話佢嘅生日願望係《明日戰記》票房衝上一億。 而同場的Hillary被問到MIRROR已經復工，是咪代表《膠戰3》開拍有期？Hillary就話等緊安排，佢又話唔知Edan係咪同袁澧林拍拖，因為每次6膠出嚟食飯都只得6個人咁話喎！
