【Viu】自稱係「商場Band」嘅ONE PROMISE為新歌《I’m Sorry》展開新一輪Tour，今日以全黑look去到黃埔某商場舉行首站，吸引過百名「壹步兵」到場支持，場面勁High！OP預告呢次都係唱好多站，每次見到熟悉嘅面孔、一齊大合唱嘅時刻令佢哋最感動！
講到文廸日前同歌手小神經（Chloie）喺餐廳用膳嗰陣，遇某男子上前搭訕，並發現對方疑似多次用電話偷拍，文廸即護花喝止且追截該名男子，最後報警處理，列作糾紛及後和解。文廸表示已發聲明：「呢件事對我嚟講都唔開心，但對女性嚟講，法律裏面未必保障到。」直言希望低調處理以減輕傷害，又坦承跟Chloie啱啱發展中。而之後當演唱《平凡人的自傳》嗰陣，文廸一時感觸眼紅紅，哽咽自覺太平凡，遇到不公嘅事會感到無力。
