【Viu】香港首部科幻電影《明日戰記》票房再創新高，最新票房數字衝破6100萬港元，跳升香港電影史上華語片十大票房第4位，監製兼主演嘅古天樂都感到非常鼓舞：「不單止創造超過第一位嘅奇蹟，應該並肩作戰創造更多奇蹟，香港票房係需要我哋支持！」
噚日古仔突襲戲院，一出場就興致勃勃咁講戲入面嘅金句，然後透露佢揸旗嘅天下一電影公司嚟緊嘅30年特技製作大計，揚言會致力培育下一代成才。去到最後！戲肉嘅部分當然就係古仔宣布《明》將會推出made in Hong Kong嘅動畫版前傳，而當佢講完呢個好消息後，現場率先播放動畫版嘅預告片，最後一幕仲有女版機甲驚喜出現，按照古仔所講：「就係我（戲中角色）老婆！」真正古太出現了，突然嚟個高調「認愛」，聽完呢句就更加期待呢套動畫版前傳啦！
