【Viu】久未喺香港露面嘅陳曉東最近返咗嚟香港呀！呢次佢仲帶埋新歌《這種年紀》回歸香港樂壇，唔止添呀！佢仲宣布10月底會喺西九竹翠公園暫定開一場戶外騷，興奮預告會同大家嚟個集體回憶！至於嘉賓方面，佢就話要再度度。
今次返嚟陳曉東話只有老婆同行，因為兩個囡囡都要準備喺北京開學。問到再有冇生B計劃？佢即刻笑話冇特別plan，仲篤爆老婆上次返港因被影到疑似大肚嘅相，深受打擊：「佢話如果再影到佢咁就以後唔會再嚟香港！（你點安慰？）乘機係咁碌我啲卡！」最後化身「愛妻號」呼籲大家喺街撞見佢老婆就讚吓佢，咁大家就識做啦！另外，星期六（3日）就係陳曉東嘅生日，電台特別送上生日蛋糕同佢祝賀，令佢不知幾開心呀！
