為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
人氣男團MIRROR成員李駿傑（Jeremy）昨晚推出最新派台歌《九》，繼上一首作品《半》後再度以生命倫理為題，向歌迷「講道理」。今次Jeremy再度突破自己乖乖仔性格，以妖艷造型示人，散發十足魅力！
新歌《九》由王雙駿監製、張繼聰作曲、周耀輝填詞，MV故事借用九尾狐傳說，寓意人在抉擇總面對誘惑，取決於自己屬善屬惡，不論結果是好是壞，亦應由自己一力承擔。
相對上次《半》，Jeremy坦言這次演繹更具挑戰：「起初以為Verse（主歌）難，點知最難係Chrous（副歌），難在要唱出味道，Carl叔叔（王雙駿）一路斟嚼用氣唔夠，跟住錄咗兩個半鐘後，把聲完全沙晒唱唔到，可能因為我捉唔到個力，搵唔到個Feel夾硬唱，結果搞成咁。」歌曲得張繼聰助陣，他指始料不及：「請到張繼聰前輩作曲係因為Carl叔叔，可能Carl叔叔覺得Louis作嘅歌比較適合我，所以收到Demo時都好驚喜，因為冇諗過會有佢寫歌俾我，有啲Surprise。」
Jeremy指MV中黑、白兩個造型分別代表善與惡，最一開始主角身穿白襯衫，仍困在夢中，腦海不斷浮現眾人聲音，思緒混亂不知如何做選擇，鏡頭一轉主角邪氣一面即出現於幕前，猶如化身九尾狐，象徵罪惡。
他解釋造型：「想表達一個人無論幾善良都好，一定會有少少嘅陰暗面出現；幾壞嘅人都會有善良嘅一面，所以都係想話俾大家知，世間唔係淨係得黑、白，希望大家能坦承面對自己，去搵返自己真正嘅善同埋惡，面對返自己。」
以往Jeremy的MV較少有外景拍攝，今次製作團隊亦為他找來一個荒廢酒醋廠，塑造懸疑氣氛，他分享外景拍攝感受：「第一次喺外景，好熱冇冷氣，另外好多塵，冇咁乾淨，喉嚨成日有啲唔舒服，但係因為外景原因，令到畫面更加加分，所以幾辛苦都係值得，因為可以拍到靚shot，配合成個環境，MV會更加吸引，所以不論幾熱幾辛苦都係值得嘅，不過都辛苦晒幕後嘅同事。」
Photo / 大會提供
