【Viu】金像獎噚晚圓滿結束，最佳男女主角，分別由謝賢同劉雅瑟奪得，不過劉雅瑟依然覺得失望，原來係戥鄭保瑞失落最佳導演唔抵，馮皓揚同廖子妤分別奪得最佳男女配角，Fish仲第一時間打電話俾媽媽報喜，「最佳新演員」王丹妮都有再次多謝梅姐！
之後佢哋一齊出席慶功宴等出席慶功，Louise老公羅孝勇都有撐場，但兩人就怕醜冇吻賀喇！Fish坦言今次得獎終於對得住馬來西亞嘅鄉親父老，希望有機會做主角，衝擊影后殊榮。Louise就話拎新演員已經喜出望外，失影后都冇失望。
年僅17歲嘅揚揚，多謝「年長版蘇樺偉」梁仲恆（阿炳）教路，阿炳就話今次兩人冇對手戲，希望下次可以演兄弟，又話唔使安慰失落影后嘅吳君如，正如自己未能封帝都抱平常心。
