【Viu】Jeffrey 喺ViuTV原創劇《I SWIM》飾演嘅余浪沖，傻氣又自帶喜感，勁吸人氣，而余浪沖嘅角色其實就係導演馮志強嘅本人，導演特登搵Jeffrey嚟演自己，難怪會比大家笑佢自肥！不過Jeffrey同Angela袁澧林話要幫導演平反，其實導演都勁靚仔㗎！雖然劇集開播冇耐，已經有唔少經典場面，當然唔少得余浪沖甩褲事件啦，Jeffrey仲爆料話其實嗰陣場本身冇諗住打格仔，但奈何就算著咗肉色打底褲都好，畫面上望落去都好似真空上陣一樣，所以最後都係決定打格，佢仲認叻話自己喺甩褲方面好有天分添，真係比佢笑死啊！另外Jeffrey仲講起自己喺劇組搵人挑機拗手瓜，但就遇到一位高手，令佢發現原來自己都係勁渺小！
新劇男神雲集，又經常赤裸上身騷肌，拍攝嗰陣Angela都大飽眼福，佢仲覺得Jeffrey身形最好添，事關喺劇中，Jeffrey同自己對手戲最多，所以Angela話要盲撐對方喎！
