【Viu】Dickson 余德丞同Jessica簡淑兒呢對「自由人」，今日為商場拍攝宣傳片，Dickson大讚Jessica靚女，想邀請佢一齊拍片玩遊戲，又笑認之前推介完大埔好食車仔麵後，搞到該餐廳門庭若市，畀街坊「投訴」佢令餐廳排長龍。Dickson又預告下星期三開始會亮相ViuTV兩個節目，同樣由保錡@ERROR主持，盛讚保錡友善又好傾，仲暗示斟洽緊主持ViuTV另一節目添，好期待呀！講到有網民提議Dickson可以拍《I SWIM》，佢多謝仲有人記得自己係港隊泳將，笑言自己都想匿喺池底睇Jeffrey甩泳褲，如果真係拍電影版，希望同小鮮肉一齊游水！
此外，Jessica坦言回復自由身後，想亮相其他電視台，自爆最想同教主Anson Lo合作，皆因接觸過教主真人又斯文又Charm咁話！
