【Viu】MOOV聯乘MIRROR喺銅鑼灣時代廣場主辦嘅「BABY MIRROR WE ARE」由今日起至8月8日展出，率先帶咁多位「鏡粉」參觀吓先！地面露天廣場先有大型打卡展覽，有12隻Baby MIRROR同大家慢慢selfie；去到二樓中庭就係紀念品專區，出售限定精品，例如係迷你粒粒MIRROR、卡片套等，12位MIRROR化身cute版細細粒真係好kawaii呢！但提提大家，如果想嚟打卡、shopping就記得要先上網預約啦，數量有限㗎！
「鏡粉」Dorothy一早先嚟朝聖，最愛「哥與弟」Ian同姜濤嘅佢hyper指已預約首輪MIRO優先場，準備冇上限課金，笑問老公係咪前夫？佢笑話係「現夫」，大家一齊鍾意，亦好好彩成功買到一場紅館騷嘅飛，入場拍拖！提到開騷將至，Dorothy指心情非常緊張，因為最驚係買唔到手燈同T-shirt；「爵屎」Victor亦提早到場，指最近睇Edan嘅新戲、新劇先開始入坑，不過佢話買唔到演唱會飛，知道依家有online場次即刻搶飛！
