【Viu】Zeno顧定軒年頭推出第一首作品《尼斯》，勇闖樂壇做新人，話咁快最近又沿用同樣嘅製作班底推出新歌《XY》，去發掘自我，今次曲風輕快，俾人一種活潑嘅感覺，Zeno就話其實自己私下都好鍾意聽快歌，好似好朋友Jace嘅歌咁，一聽到就會想跳舞，佢仲話希望有日都可以喺台上同歌迷一齊un啊！另外，Zeno仲分享自己以獨立音樂人身份做音樂嘅心路歷程，覺得對比起拍戲，寫歌真係有種孤獨感，不過當作品推出後收到大家嘅支持同評價，佢又會覺得好有成功感！而講到屋企人曾經勸佢轉行，Zeno就話佢哋只係出於擔心，而家屋企人都好鼓勵佢嘗試，當佢出咗第一首歌之後，家人仲喺屋企不斷loop佢嘅作品，搞到Zeno都覺得好感動！雖然Zeno而家歌影視三棲發展，但佢就講明唔會放棄拍戲，希望keep住有唔同範疇嘅作品送俾一班顧定班底啊！
