【Viu】練美娟同《反起跑線聯盟》中嘅Billy仔、Martin同Yumi，齊齊出席HKT Home活動，推廣新推出嘅eye AI互動機械人，三位小童星仲同AI機械人學語文同跳舞，Cute到爆呀！娟姐大讚AI機械人好正，想送畀家長朋友，等佢哋可以有Me time，又話童星們有教佢用新科技，但唔認係Auntie，只批准佢哋嗌自己姐姐。
娟姐直言想拍《反》劇續集，但仲想唔想肥仔做老公呢？佢就話要問肥仔喇，事關對方同阿芬復合，雖然自己有甩難Feel，但佢踢爆肥仔喺化妝間唔同自己打招呼，似乎秒變「前妻」喎！
