【Viu】Sofiee吳海昕喺 ViuTV青春偶像劇《《I SWIM》飾演Miss翁一角，同班小鮮肉有唔少對手戲，對住咁多大隻又靚仔既男神，令fans們又羨慕又妒忌，但佢就話喺拍攝期間竟唔敢亂咁望噃！Sofiee喺劇中同班仔仔亦師亦友，見到咁多大細路，佢話即刻feel到啲青春返曬嚟呀！
班男仔為咗有副靚Body，瘋狂做push up谷肌又搞到冇啖好食 ，Sofiee都戥佢哋慘呀，「第一次見一套劇的男生比女生更緊張，一上水就跑去補妝。」佢話Stanley同Jeffrey嘅身形特別吸睛，就算唔游得都可以呃得吓人；雖然Sofiee成日俾百厭星Edan影黑圖，但佢一樣咁鍾意佢㗎，「大家都跟我說Edan很搞笑，他很認真完全是兩個樣子。」見班仔仔游水游得多，Sofiee喺劇中都有一千零一場落水戲，唔熟水性又怕水嘅佢仲特登去學游水，不過真正拍嗰陣都真係幾和味。
