【Viu】古天樂、黎明、林嘉欣、林建岳、熊黛林及姜皓文等今日喺會展出席紫荊文化集團及麗新集團戰略合作暨簽約儀式。
純粹嚟撐老板林建岳場嘅嘉欣，接受訪問嗰陣笑言：「我都唔知今日嚟要做啲咩，因為係老闆打俾我叫我一定要嚟撐場，今年係我簽咗俾佢第10年，所以佢有咩開心事宣佈，我都好樂意嚟支持嘅，雖然我唔知要來做啲咩。」今年迷戀陶瓷創作嘅嘉欣，就正構思緊一個新嘅陶瓷項目展覽，但因為自己得對手，所以未來嘅半年都係會來做陶瓷，問到電影工作方便係咪因為陶瓷創作而暫停？嘉欣就會電影會同步進行，仲話因為自己近年悉數嘅關係，所以唔需要太多時間瞓覺：「依家平均瞓四個鐘，最多六個鐘，瞓得少都已經可以Recharge到個人。」
同場的古天樂及黎明，做完台上儀式就匆匆離開，未有接受傳媒訪問。而在台上，古天樂以電影《天梯》監製身份，分享製作呢套戲嘅科技：「我哋會喺橫琴搭個black box，會有360度LED Mon，到時唔使再綠幕、唔使再實景拍攝，入去就搞掂。」佢仲話希望藉此吸引到多啲年青人投入電影圈。黎明則以音樂人上台分享，佢話近年香港音樂圈開始好蓬勃，講到做音樂嘅心得，黎明就爆出金句：「做音樂最難嘅係，你想做首音樂，結果做唔到出嚟你會好失望；但當然如果做完出嚟，冇人聽嘅話就會仲難過。」
