【Viu】郭羨妮（Sonija）、劉心悠、栢天男同吳啟洋（Phoebus）今日出席ViuTV原創劇《冥冥之中》記者會，由於新劇講述平行時空同長生不老，所以年紀差不多嘅Sonija同心悠，劇中除咗係上司下屬，仲係家婆同新抱嘅關係，嘩！劇本咁深，驚唔驚觀眾唔明呀？兩位靚女就話未驚過，反而希望開拓大家對平行時空嘅興趣。Sonija被「阿妹」岑樂怡踢爆誤塞拳頭入對方口中，佢話相當難忘，加上角色要不斷被追殺，絕對係「Sonija連環不幸事件」，雖然不乏殺人場口，但佢就話唔會禁止囡囡追劇，皆因個女睇嘅《鬼滅之刃》都唔嘢少！而心悠就難忘開真槍場口，雖然導演一Take收貨，但自己就覺得未夠完美喇，認真謙虛！
處男下海拍劇嘅Phoebus，飾演栢天男個仔，仲有喊戲添，單靠聽音樂就喊出真眼淚，獲嗲哋大讚呀！雖然唔使跟嗲哋一齊騷肌，但佢好敬佩栢天男日日食烚菜雞胸，反而自己就狂食兩個飯盒，嘩，估唔到你都幾擦得喎！
