【Viu】劉心悠今日為港台電視電影《我們的開學禮》開工，透露戲中角色係位老師，有部分場口仲要踩roller，對於零經驗嘅心悠，絕對係一大挑戰！而就喺啱啱嘅記者會環節，心悠被要求即場「獻技」，即使全程有馬浚偉拖住雙手，但心悠明顯嚇到花容失色，最後仲忍唔住爆喊！之後心悠受訪表示由細到大平衡感都唔係太好，對轆特別有恐懼，加上啱啱係完全唔知道要示範，所以驚恐程度再增加，認真慘慘豬！
至於講到ViuTV原創劇《冥冥之中》就快播出，亦係心悠事隔4年再有港劇作品，佢都話好期待，因為係探討佢最鍾意嘅平行時空topic。
