【Viu】太極樂隊主音Pat哥雷有輝，喺今年2月16號56歲生日正日，推出全新個人專輯！雖然呢兩年疫情市道低迷，但係為咗中學時嘅一個心願，同埋喺老友因葵嘅推助之下，佢都決定自資疫市出碟！而且佢今次仲出搵埋阿仔雷瑋陶Matt擔任新歌《女同學》嘅MV男主角，實行父子檔一齊拍住上！今年先得廿歲仔嘅Matt透過今次演出，都慢慢開始對娛樂圈產生興趣，早排仲自我增值去學樂器，閒時都會同爸爸一齊Jam歌、學作曲，似乎已經開始為入行鋪路！不過佢就話自己仲要啲時間好好裝備，唔想俾人話佢淨係識靠父幹，所以要儲多啲作品先！唔知喺Pat哥嚟緊嘅演唱會上，會唔會見到佢哋兩父子一齊合作Jam歌呢？
