【Viu】COLLAR嘅新團歌《Never-never Land》18號已經率先喺各大音樂平台上架，唔少Fans聽完都大讚有驚喜，曲風輕快勁青春，噚晚So Ching喺IG Live都開金口，唱返兩嘴俾師弟師妹聽，勁Sweet啊！So Ching仲同大家分享拍MV嘅事，因為自己著住涼鞋，拍攝企喺草地嗰陣，唔小心踩到個蟻窩，等開拍突然發覺唔對路，點解對腳有啲痛又咁癢嘅？一望，勁多蟻喺自己對腳度爬吓爬吓啊！搞到So Ching大叫兼內心崩潰，最後要靠成員同工作人員幫手拎濕紙巾抹走啲蟻，佢仲話：「咁大個女，都未試過有咁多人同時拎濕紙巾抹我隻腳。」，識得講笑，睇嚟件事冇令佢對螞蟻有陰影啦！So Ching仲話有唔少人讚佢今次MV套衫好似美人魚，搞到佢鬼咁開心，事關佢勁鍾意人魚公主啊。
