【Viu】一向超級寵粉嘅教主Anson Lo，尋晚又派福利，公開新歌《Mr. Stranger》Dance Version MV嘅幕後花絮片！今次成個拍攝Idea，都係由教主一手包辦！雖然今次拍Dance Version冇上次拍MV咁辛苦，不過教主都開始擔心，到時唱Live隻舞咁Chur，驚體力會難以負荷啊！相信大家睇完幕後花絮都有發現，MV嘅背景原本設定係紅色同藍色，但係到咗後期製作同剪接時，教主突發奇想，決定將個MV改成黑白色，啲藝術感出晒嚟，仲增添少少暗黑感覺添！教主都有留言問神徒，比較鍾意彩色定係黑白嘅版本，佢哋實係話有教主出現，就係最出色嘅版本啦！神徒們都好希望教主唔好私藏，可以放埋彩色版Dance Version MV出嚟，俾大家欣賞啊！
