【Viu】EDAN呂爵安Package近乎完美，鋼琴得小提琴又得，識跳舞仲係高材生，DSE成績考獲25分入香港大學，讀住書參加《全民造星》，細細嗰已經係校園風頭躉嘅EDAN，偏偏冇偶包又勁玩得，就連瞓覺唔鍾意著底褲呢啲私密小怪癖都夠膽拎出嚟同大家分享，係勁嘅。 當初報名《造星》，爵媽都擔心過阿仔喺娛樂圈搵唔到食，不過爵媽唔使操心啦，EDAN搵真銀能力爆曬燈啊！ 加入MIRROR後，EDAN有劇拍又有綜藝節目，多發面發展，但偏偏Solo曲就遲遲未有，出道第三年，終於有自己第一首單飛歌《E先生連環不幸事件》，2021年EDAN更以個人身份企喺樂壇頒獎禮台上，用作品證明自己。
