《全民造星IV》總決賽雖然已圓滿結束，不過其女團名單尚未公布，暫時已知只有冠亞季軍 Marf、阿Gao 及 Day 穩入女團。在等待名單出世前，早已被淘汰但擁有高人氣的人妻鍾卓穎（Ash），突然傳出離婚消息，在網上引起熱烈討論。
Ash 早在參加《全民造星IV》比賽時就被爆已婚，稱丈夫亦全力支持她。不過，網上流傳疑似 Ash 前夫在 Instagram（IG）發布 3 個深情 Post，暗示已離婚並表現得依依不捨。Ash 今早於 IG Story 發文承認已離婚。
Ash 發文承認已離婚震驚網民 （Photo：Instagram@iamashleyyy___）
「感情係兩個人之間嘅事情，我地（哋）由朋友關係認識到今日，而無可奈何地要結束呢段關係，過程有開心有眼淚付出同回憶。我地（哋）和平達成共識分開，係由衷地想對方往後成為更好的人，亦祝福對方可以過得順心順利。由於呢個決定係不久之前作出，一直有家人同摯友陪伴都想低調處理，因為彼此不多不少都承受左（咗）一定心理壓力，希望大家比啲空間我地（哋）去消化處理。」
珠寶公司婚戒廣告 （Photo：Instagram@iamashleyyy___）
Ash 憑參加《全民造星IV》為人認識，而且網上人氣高企，早前亦有不少廣告工作，一度被認為女團大熱人選。惟離婚消息一出，網上開始湧現她的負評，兩星期前 Ash 才剛替珠寶公司婚戒賣廣告，有網友批「嗰頭買完結婚戒指，轉個頭離婚，仲有邊個敢買。」有人猜測 Ash 擔心已婚身份影響星途才決心離婚，亦有網友指其前夫為台灣人，或因兩地差異而未能繼續婚姻。
有網民指Ash收錢拆招牌（Photo：Lihkg）
