由人氣玄學家七仙羽主持嘅ViuTV節目《七救星》今晚開播，首集七師傅聯同助手陳安立（Brian）、王頌茵（Kathy仔），一齊幫林作修補女朋友裕美同林媽媽王莉妮嘅關係！
七師傅（中）及助手陳安立（右）、王頌茵（左）
林作嘅女朋友同媽媽一向水火不容
林媽媽一直嫌裕美背景複雜，認定佢同林作拍拖只為錢，所以就算住同一大廈，兩位都從不往來，可以話係水火不容！七師傅指林作罪孽太深，要化解媽媽、裕美之間嘅誤會，就要先打走林作身上嘅孽障。於是七師傅企上梳化，大力撲向林作亂棍狂打，裕美打埋一份，越打越起勁，打到林作背部通紅，有幾條棍痕。
七師傅撲向林作亂棍狂打
林作被打到背部通紅
林媽媽同七師傅首次見面已經勁投契，仲話七師傅似「失散咗一世嘅妹」，叫七師傅考慮做佢新抱。那邊廂，七師傅偷偷為林媽媽、裕美安排世紀飯局破冰，又建議裕美先對林媽媽釋出好意，親自煮一碟餸畀佢品嘗。
林媽媽同七師傅勁投契
飯局一開始無裕美，林媽媽心情大靚向七師傅表示要不醉不散，點知裕美突然捧著一碟自己煮嘅咕嚕肉出現，令氣氛瞬間變僵！林媽媽隨即話：「我減肥，已經唔食（咕嚕肉）都飽啦。」裕美好意被拒，自言感覺委屈，忍不住流眼淚。全程在旁嘅七師傅無加入對話，只係雙手合十不停唸經，事後七師傅神情認真咁解釋：「我唸嗰本經嘅名叫『難唸的經』，每一家都有一本嘅！」
林媽媽、裕美世紀飯局
裕美忍不住流眼淚
-
孫東：河套香港園區擬設電子圍欄規管樣本在範圍內使用3小時前 -
杜魯多宣布部分商品免收聯邦銷售稅兩個月 圖挽民心5分鐘前 -
走塑適應期結束一個月 環保署接獲43宗投訴14分鐘前 -
【世味天下】人類首張銀河系外恆星大特寫 見證超新星爆炸56分鐘前 -
【世味天下】默克爾回憶錄下周出版 談與特朗普打交道的挑戰57分鐘前 -
推九項措施促進外貿穩定增長 商務部：有能力化解和抵禦外部衝擊1小時前 -
【美加關稅威脅】商務部:中方有能力抵禦外部衝擊影響1小時前 -
【港私人財管報告】PWMA:未來5年來自內地資管規模續增長1小時前 -
【製造業持續收縮】日本將推2530億美元經濟刺激計劃1小時前 -
遭國際刑事法院發拘捕令 內塔尼亞胡斥決定反猶 盟友美國亦拒接受2小時前
