MIRROR成員柳應廷（Jer）繼《狂人日記》後，再度夥拍填詞人小克、編曲監製王雙駿，推出「重生系列」二部曲《砂之器》。今次新歌以親情為題，MV故事催淚，Jer希望藉歌提醒大家「唔好等到錯過，先學識珍惜身邊人」。
《砂之器》講述前世情人約定來生以母子相見，即使角色更改，但血脈相連。Jer透露新歌暗藏巧思承接《狂人日記》，「歌曲前奏其實都係緊接《狂人》尾段，希望用少少嘅承接去串連成件事。」
Jer在《狂人日記》MV表現瘋狂一面，《砂之器》MV劇情則較生活化，當中Jer與失智母親的親情戲，令他非常難忘：「MV最後一幕，講到失智嘅媽媽做住一啲好愛我嘅事情，望住佢嘅背影，我有好多後悔，所以我要喺凝結嘅空氣下同佢道歉。其實無聲嘅『對唔住』威力最大，我都培養咗好耐情緒，先做到嗰個感覺。」
其中一幕喊戲，Jer則靠回憶家人去代入劇情，打開淚腺，「當日我真係諗住自己嘅媽媽，最近因為工作，少咗返屋企，冇見一排發現佢嘅白頭髮同皺紋都多咗；所以拍攝時代入真實嘅畫面，就好容易喊得出。」
即睇《砂之器》MV
