港版《大叔的愛》本周播出結局篇，多位演員因劇集人氣急升，黃德斌於劇中「少女心」爆發，飾演追求阿田（Edan 飾）的上司 KK，獲觀眾大讚，但德斌自己卻表示「唔敢睇」！
黃德斌（中）於劇中對 Edan（左）飾演的阿田展開熱烈追求
德斌於劇中角色為一位擁有「少女心」的上司，對阿田發動熱烈追求，觀眾均大讚德斌突破自己，沒想到他能演繹出少女心。被問到會否「頂唔順」少女心演出，德斌直言「講真好多場都係，因為我直頭唔敢睇」，拍完之後導演話OK，他也難以置信，但仍照導演指示完成拍攝，出來效果好也要多謝觀眾。
簡慕華與黃德斌於劇中再次飾演夫妻
簡慕華（Rachel）這次為拍《大叔的愛》，由加拿大回港隔離21日，德斌就表示很感動，「佢仲話係因為我，所以佢返嚟，真係覺得好多謝佢」，Rachel 就反指自己很感謝德斌接拍《大叔》，她才有機會遇到 KK 老婆 Francesca 這個角色，「可遇不可求呢啲機會，所以係好開心，今次合作得嚟，仲有咁好反應，所以我無後悔過返嚟隔離嗰21日，好值得。」Rachel 又指觀眾的包容度高，不止愛 MIRROR，還愛其他同劇演員，她感嘆很久沒見過一家大小一起追劇，很感動。
《大叔的愛》收視叫好，被問到有沒有信心結局收視會再升，德斌就指不會只看收視，反而好奇觀眾對結局的感覺。而開拍續集方面，德斌就透露正洽談開拍電影版，Rachel 也對續集表示期待。
