男子組合 ERROR 前日推出今年第二首派台歌《我們不Chok》，官方 YouTube 點擊率今早已達27萬次！一向走搞笑路線的 ERROR 大受歡迎，不賣靚仔依然吸引到不少粉絲。日前，竟有人向紙紥店查詢訂造 ERROR 紙紮公仔，還要將「花姐」一齊燒！
紙紥店在社交平台公開 WhatsApp 對話截圖，內容是客人要求訂造 ERROR 及花姐的紙紮公仔：「你好，我的好朋友上星期晚過咗身，佢生前好鍾意ERROR，尤其193同肥仔，我想問可能咁樣講法都唔係好尊重，但你哋會唔會紮到佢哋嘅組合同埋花姐出嚟可以燒俾佢，唔係講笑我認真嘅。」
身為 ERROR 粉絲的店主已表明不會接單，許多網友都支持店主的決定，認為即使逝者有多喜歡 ERROR，都應尊重在生的 ERROR 成員，而且可能會影響在生者，「大吉利是咩！點解可以咁自私，唔理生人架！」有網民提議，ERROR 寫幾句問候語、簽名燒給該名已過身的粉絲，更有人提出：「ERROR 曾去台灣進行哭喪集訓，係咪重金請佢哋去哭喪更好」，不少網友對此讚好。
Photo / Instagram@error.weare @ahfa0908
