【now.com娛樂】唔經唔覺李克勤入行已30年，經歷高低起跌，克勤推出新專輯叫《30克》，強調不想感覺太沉重，希望所有歌曲由曲風到演繹，就像條羽毛一樣輕盈。
30克，很輕，但最新派台歌《失魂記》，就是講大家近年非常關注的腦退化症，這故事一點也不「輕」。今次MV由克勤的好兄弟梁榮忠執導，以及兩位前輩級演員，胡楓和鮑起靜參與拍攝。忠仔說：「我覺得克勤好大膽，因為我未試過拍MV，佢又敢揾我做導演唔怕爛尾。」正當克勤想開腔派定心丸之際，精靈的修哥就搶住秒回：「克勤大膽就出晒名，如果唔係點會娶得美人歸。」只見被取笑的克勤一臉無奈，舉手投降並笑謂:「真係幾時都唔夠修哥講。」
立即睇MV：
